وش ذنبي أذا ربي خلقني .... جميل
فك أقو لك فك . أحسن لك فك
طيب فك وأفك
هذا الحوار دار بيني وبين البودي قارد حق اليسا.. ( ياهوه )
فبينما كنت قاعد في الشنصلصيه (الشنزليزيه لغير الناطقين بالفلبينيه) ومعي براد شاهي وجركل مويه وقاعد أشيّش
الا ذاك الشخص اللي مر من قدامي وحجب عنى الرؤيه تماما وبيني وبينكم اول ما شفته كنت أحسبه دولاب ملابس
المهم مسكني بطرف قميصي الآخضر المشجر بأزرق
على طاري المشجر كنت لابس مع ذا القميص بنطلون برتقالي وجزمه حمرا طبعا كل هذي تحت الثوب
قال لي اقول لك امش وانت ساكت أحسن لك
قلت طيب فك وأفك
سحبني ولا أعطاني فرصه أكمل الحجر حقي الله لا يوفقه ... ووصلني الى باب سياره فخمه ومظلله
وشوي الا انا قدام القزازه أطالع في شكلي .. وبعدين انفتحت القزازه وأنفتح فمي معها
الااليسا ماسكه شعرها بيديها على فوق وتهز وسطها وتقول :-
اجمل احساس بالكون اني القاك حبيبي المزيون..
قلت أول وقبل كل شي خلي الدولاب هذا يفكني لآقتله اليوم
قالت أركب يا حبيبي
قالت تصدق اني كنت ماشيه من هنا مليون وشفتك وتفاجئت بك .
قلت لها :- مو ذنبي ان ربي خلقني جميل
قالت وش رايك نسوي دويتو انا وأنت والبودي قارد
قلت لا انا والدولاب ممكن بس انتي معنا مستحيل
زعلت اليسا والمشكله انها يوم زعلت طلعت أحلى من أول
قلت شوفي يااليسا ولا يهون الدولاب هذا اللي واقف جنبك :- انا عارف انك تخططين على تبغين تتزوجيني
علشان اني حلو: بس صدقيني كان غيرك أشطر
انتي ما تدرين ليه ديانا ماتت ؟ قالت لا .
قلت لآنها خبطت في عمود
وانا كنت واقف جنب العامود
أنتي ما تدرين بروك شيلدز ليه تطلقت ؟ قالت لا ...
قلت والله حتى انا مدري ....
وفي هذا الآثناء الا سياره أفخم من سيارتها ماسكه فرامل ونزلت منها مونيكا ليونسكي
وخذتني بالحظن هي وضحكتها ذيك الشينه
وأنا أصكها بقس في بطنها وأعطيها ركبه وسبلكس خلفي وأطلع على السياره وأطير
عليها وقبل ما أوصلها بعدت ألا انا مستوي على الآسفلت ....طالعت فيها وقلت يلعن
أبو النذاله ليه توخرين خربتي الحركه
قالت لي صدقي انا أحبك
قلت لها : لا ياشيخه وكلينتون ملعون الوالدين وش كان يسوي يوم يكلم عرفات
وفي هذي الآثناء ألا هيلوكبتر نازله علينا ألا عتاب مطلعه راسها مع القزازه ورمت حبل
علي وقالت أطلع صدقي حبيبي
شكنكري شكنكري
قلت الحمد لله اللي أرسلك على تفكيني من ذولا الوحوش
وطلعت في الحبل وأول ما وصلت عند عتاب خذتني بالحضن وأنا أطالع في وجهها وأتفل فيه
وأنا أقول بسم الله ما شاء الله عليك الله يحرسني أنا وأنتي من العين
لاتستطيع وضع مواضيع جديدة في هذا المنتدى لاتستطيع الرد على المواضيع في هذا المنتدى لا تستطيع تعديل مواضيعك في هذا المنتدى لاتستطيع الغاء مواضيعك في هذا المنتدى لاتستطيع التصويت في هذا المنتدى تستطيع ارفاق ملف في هذا المنتدى تستطيع تنزيل ملفات في هذا المنتدى
