أه يا بلدي ..
أه يا قلبي
أه يا كل حتة مني
أه يا كل حبة وكل شبر
وكل شوية هوا جوه صدري
هي العملية صعبة شوية ..
بس لازم منها ولابد لاجل بلدي
ما ترجع بالسلامة متعافية
رافعة راسها فوق كل من فرح في مصابها
نامي ملئ الجفون يا عيون ولادي
دي بلدي مهماً حصل مش ممكن تهون
مش ممكن تكون زي ما أعداء السلام بيتمنولها
بينتظروا اللحظة اللي فيها الجمل ينخ
بسكاكينهم وسواطرهم منتظرين
لاجل ما يوزعوا الغنيمة ويلهفوا
جوة بطونهم خيرهها وولادها فوق البيعة
مش عارفين ..مش فاهمين
إن المصري عمره ما حني راسه
ولا حتي للريح تعدي
ودي كبوة هتقويه مش هتكسره
قوم يامصري ..بلدك بتنادي عليك
فك أغلالك ...اتخلص من قيودك
ارفع علم بلادك
فوق أهرامك..فوق رؤوس أعدائك
وبعلو صوتك قول وجلجل
تحيا مصر ..تحيا مصر
