مذكرات ليث الخليلي

بالامس ذهبت مع اهلي رحلة الى البر في البحرين ، الجو كان شوية بارد لكن الجمعة مع بعض والمشاوي لا تضاهى بثمن ..

اول ما وصلنا مدينا المدّة و شكّينا اللحمة و ولعنا النار .. الفحم كان من نوعية ممتازة والهوا ساعد على انو النار تشتعل كويس .. عموما الساعه كانت حوالي 4 فما كان فيه وقت علشان نلعب كرة او شدّة او اي شي ثاني ، على طول شوينا اللحم والريش والدجاج واكلناهم مع حلول المغرب ..

بعدين حفرنا حفرة صغيرة وجمعنا حطب يابس ورمينا الجمر فيها وحطينا شوية كاز علشان نولع نار تاضي علينا الدنيا .. انا بالنسبة لي كنت قاعد بضبط بهالنار واشتغلت ليها عشان تولع تمام .. لكن وانا بضبط بالاحجار اللي حول النار نسيت انها نار وحركت واحد بايدي وشلته وضغطت باصبعي على الحجر علشان اثبته في الرمل .. نسيت انها نار وماحسيت بشي الا بعد كم ثانية لما تفحم اصبعي ..

الالم ما كان قوي جدا جدا ولكن كان مؤلم ، ربما لان الحرق كان كبير وتغلل بقوة داخل الجلد .. لانه اصبعي صار مكان الحرق لونه اسود وجاف جفاف شديد .. انا على كل حال حطيته في كاس ماي بارد و ظليت كل الطريق الى البيت رافع اصبعي باتجاه الهوا البارد .. كأني بسوي لكل من في الشارع OK ..

لما رجعت حطيت دوا الحرق ونمت على طول علشان ما احس بالالم . ولما صحيت كان احسن وما حسيت بوجع ولاشي ولكن كان اكثر جفافا .. على العموم بالرغم من الحرق ولكن استمتعت بالرحلة الى البر وبالفعل الرحلة غيرت مزاجي ونسيت كل هموم الدرجات والتظلمات . الحمدلله دائما وابدا ..

والسلام عليكم ورحمة الله وبركاته .

كما وعدتكم ، سأقوم بعد استلام الشهادة بالكتابة عن حالتي ..

 الصراحة ، حالتي تعبانة .. مع انه المعدل ارتفع والمعد الفصلي كان لا بأس به ، ولكن ..

لم يكن هذا ما كنت اطمح اليه . جبت المعدل الفصلي 95.9 وعلى الجهد كنت اتوقع اكثر من هذا بكثير .. وانقرهت لما شفت الناس جايبة معدلات بال 96 وانا جايب اقل منهم .. مع اني تعبت على نفسي ورحت مدرسين خصوصين وسهرت الليالي وانا بحفظ وبدرس ..

ربما ان المعدل عادي وما يستحق ازعل عليه لكن اللي زعلت عيه بالفعل اني جبت باللغة الانجليزية – الكتابة فقط 93 .. وانا كنت في بالي 100 او 99 .. تفاجأت لما شفتها .. ما اعرف هل خطأ ولا ايش بالضبط .. عموما اتوقع اني ظلمت في هذه المادة تحديدا . وسأقوم برفع تظلم باذن الله غدا او بعد غد . ادعو ربي بس ان الدرجات تتحسن بالتظلم .. يعني المدرس كل هالكتابة والتفلسف وآخر شي يعطيك 93 !!

عموما ادعو ربي ان هالتظلم ينجح زي اللي قبله ويرتفع المعدل وتتحسن حالتي النفسية .. هذا كل ما استطيع عمله .. بالاضافة الى التحسر والحزن والاستماع للاغاني الحزينة واحاول افرفش عن حالي ..

وهالاغنية من احلاهم : http://ozq8.com/song-10506.rm

 انا كتبت لكم قلت اكيد ردودكم بتشجعني ودعواتكم وبرتاح نفسيا شوية زي كل مرة بكتب فيها ..

مبروك للناجحين واللي جبو درجات كويسة .. والحمدلله على كل حال !!

الحمدلله وبعد طول انتظار وتعب وجهود انهكتنا ..

 انتهينا من امتحانات نهاية الفصل الدراسي الاول ، املين من الله سبحانه وتعالى التوفيق وان نحصد ثمرة جهودنا ..

بعد لا خلصت اخر امتحانات رحت مع اصحابي على مطعم الابراج واحتفلنا بالانتهاء من الامتحانات . كثير شباب كانو هناك يحتفلوا زينا ، ولكن حسيت انها كانت لها نكهة خاصة ، لانو قعدنا اكثر من 3 ساعات وطولنا في المطعم .. بعدين كملناها عند بيت واحد منهم ظلينا نلعب بليستيشن للساعه 8 في الليل بعد ما انهكنا لانو الصراحة ، تعب الامتحانات لا يفوقه تعب ..

عموما ، طلعة جميلة ، احتفلنا بها بداية الاجازة علشان الواحد يخرج من جو الامتحانات ويدخل في جو الاجازة اللذيذة .

انتظر بفارغ الصبر الشهادات يوم الثلاثاء القادم ، وادعوه تعالى كل يوم ان تكون جهودي مثمرة وان لا تضيع هباء ..

عموما ، انا متفائل .. وان شاء الله سأعلمكم بالنتيجة فور صدورها .. ادعو لي بالتوفيق حاليا الله يعطيكم العافية ..

مع السلامة ، نراكم قريبا ..

السلام عليكم ورحمة الله وبركاته مرة اخرى ..

مر وقت طويل منذ اخر تدوينة لي ..

احببت ان اجعل الزوار فقط يعرفون بانني لازلت موجودا واود الكتابة والتدوين ولكن للاسف الامتحانات ودوشته تجعل ذلك من الصعب .

عموما ، لازلت اريد كتابة المذكرات وان شاء الله بعد الامتحانات .

ادعولي بالتوفيق في الامتحانات ، سوف تنتهي في 18/1/2006 … مشكورين والله يسمع منكم ويوفقكم ياللي عايشيان وغرقانين معي في جو الامتحانات المزعج والكئيب .

مع السلامة ، وزورونا دائما