مذكرات ليث الخليلي

بسم الله الرحمن الرحيم ..

السلام عليكم ورحمة الله وبركاته ..

 بداية يبدو أنني قد فقدت حماس الكتابة منذ زمن طويل طويل جداً أتذكر يمكن آخر المرات كانت أيام عيد الأضحى يوم قررت إني أحط صور تفاعلية .. لذلك علشان اقدر اكمل من مكان ما بديت واتكلم عن عدة المواضيع اللي شاغله بالي لازم ارد اقرا عالاقل اخر 5 كتابات كتبتها .. وحسب ما شفت صارلي زمن كبيير جدا مش كاتب ولا اشي ، وعندي كثير مواقف صارتلي ولو عندي الحماس كنت كتبت عنها وعن تعليقاتي وافكاري وفلسفتي عن المواقف ، المهم بحاول ألخص بعض المواضيع بخلال المدة اللي طافت وبشوف يا ليث شو كان رايك فيها وبنشوف اذا تفكيرك حيختلف ولا لسا ما قتلت الولد ..

 بصراحة ، المفروض أبدأ من بعد عيد الأضحى بس أصلا ناسي متى عيد الاضحى وايش صار فيه وايش صار بعده ، بس عموما ما اتوقع فيه اشي مهم نبدا من وقت الامتحانات النهائية ، قبل الامتحانات النهائية بحوالي الاسبوعين طبعا ما بنعرف عن الدنيا ولا عن المواد غير اللي بيقولولنا اياه الدكاترة الله عطيهم العافية واحنا نص نايمين .. بدينا ندرس للمواد ، طبعا طريقة الدراسة للجامعه تختلف كلياً عن المدرسة وبصراحة وجدت إنها فعلاً أسهل وأمتع وأكثر راحة ، تماما نفس ماكنت أقول لحالي أيام المدرسة .. بكرا بتروح الجامعة ياليث وبترتاح وفعلا فيها شوية راحة .. لانو فعلا ما بنحتاج نحفظ أشياء كثيرة ويعني عندنا فكرة على طريقة الامتحانات ولو انه مش ولابد بس انو بنعرف شو نحفظ شو نطنش شو نفهم انو الوضع ماشي حاله . بدأنا بالمنجمنت مرورا بالايكونمكس وانتهاءا بالاكاونتنج والحمدلله كل الحمد الدراسة كانت عبارة عن افتح الكتاب اقراءه إفهم ولو انه المواضيع مو سهلة تفهمها بس شيقة واذا فهمتها خلص ما بتطلع من مخك ، انضكيت شوية شهر الامتحانات بس عموما الوضع كان عجيب وحلو ، تدرس تفهم السالفه بالضبط ، تروح الامتحان امتحان عادي تطلع ان شاء الله هاذي A . اللي بعدو ، ان شاء الله كمان A . صحيح فيه طلاب الوضع مش ماشي معاهم تمام بس بالنسبة لي وتقريبا نسبة لاباس من اصحابي الوضع بكون جيد وماشي حالو ، انو الامتحانات بصراحة تكون عادية تميل الى السهولة سؤال سؤالين بالكثير نشك فيهم . طبعا خلال هالفترة صادني مواقف ، كمثلا مضيع وقت الامتحان بفكره الساعه 1 العصر ولكن طلع الساعه 8 الصبح واكتشفت عبر واحد حاط نكنيمه على المسنجر الساعه 3 الفجر واضطريت اكمل السهرة دراسة وحرقة أعصاب ، ولكن بعد الحمدلله بعد الامتحان الوضع كان عجيب ونشكر الله ونحمده مليون مرة ولا كان وضعنا حاليا غير وضعنا ، ثم شكر لاخوي قصي اللي بالطريق يهديلي أعصابي ويعزز ثقتي بنفسي لدرجة انها بالنهاية أصبحت ثقة عمياء .. وهذا هو المطلوب الواحد لازم يثق بالعقل الباطن وانه اي موقف ينحط فيه يسوي الشي الصح ، ودام وصلنا لهالمرحلة تقريبا فالحمدلله وصلنا درجة من تحقيق الذات لا بأس فيها وعقبال ما نقتل الولد ونقتلو عند صحابنا وحبايبنا .

الحمدلله عدت مرحلة الامتحانات على خير ، وخلال هالفترة كنت متابع مع دفعتي 2007 إدارة الاعمال واتواصل معاهم عبر الايميل وابعثلهم على الجروب اللي عملته اخر التحديثات والنوتات الدراسية واتمنى انهم ان شاء الله استفادوا منها مثل ما استفدت منه انا ، وماقصروا بعض الشباب والصبايا كانو يساعدونا ويفيدونا وبعضهم حتى لانعرفهم ولا يعرفونا .. وايام النتائج تذكرنا كيف الناس كلها على اعصابها وانا اعصابي الى حد ما هادية بستنى بالعلامات ، ان شاء الله كويسة نتفرج على منتديات الطلاب ، توصل المواضيع الى مئات الصفحات بيومين بس .. هو الامتحان اكثر واحد اللي كنت متخوف منه كان امتحان الانجليزي لانه كان اذا بخسر اكثر من 3 درجات بنزل تحت الـ A وما بجيب 4.0 اللي كنت مصوب عليها من البداية .. ولكن الحمدلله شدينا حالنا شوية وعملنا زين بالامتحان وركزنا فيها وبجهودنا وبجهود الدكتورة الله يعطيها العافية حصلنا A والحمدلله باقي المواد A وجبنا الـ 4.0 اللي عيوننا عليها من البداية ، ان شاء الله بس نقدر نحافظ عليها الفصل هذا واللي بعده على الاقل اول سنة سنتين ونظل على لوحة الشرف نرفع الراس وتقريبا نحقق جزء من الذات ..

طيب ، وين بعدين امتحانات ، درجات ، 4.0 ، إجازة .. الإجازة إجازة الربيع كان المفروض نحقق فيها مشاريع كبيرة جدا بس والله ما كانت بذلك الكبر ، بس يعني تمشي الحال احسن من ولا شي .. الطلعات مع الشباب و انترنت على سوالف لت وعجن وزيادة عليهم لعب بليارد وشدة على كاس امم افريقيا .. ايوه صح ، ودخلنا دورة شطرنج على مستوى البحرين البحرينين والسكان يعني فلبينين وهنود كانو بالمسابقة ومخضرمين وكذا دورة مفتوحة ، وحصلنا فيها المركز التاسع وكانت مفاجأة لكثير فالمسابقة على اساس انه اول مرة يشارك او من وانا صغير جاهل ماشاركت والحين احصل مركز من العشرة الاوائل وصاحبي حصل المركز العاشر كل واحد مننا 11دينار و6 ربيات و75فلس :p ، بس كان مشروع جيد وطلعنا فالجرايد كلها أول خسارة بسبب رنين الهاتف النقال ( أبوي متصلي ) بقوله يابا شايف يوم تتصل على ولدك ثاني يوم يحطون الخبر بالجرايد :d .. يعني يمكن اكثر مشروع كان لاباس فيه على اساس حصلنا شي من احدى الهوايات وفادتنا .. وكمان اشي جديد انو تعلمنا شوية هاردوير وحاولنا نعدل بالمواقع شوية وعدلنا يعني الى حد ما جزء لاباس بس زين وحصلنالنا كم قرش من ورا هالشغله خلال العطلة ، وبالاخر شرينا السوبر كمبيوتر اللي لا يزال تحت التطوير بس سوبر سوبر ماشاءالله عليه كمبيوتر كنت احلم فيه بس وصار الحلم حقيقة بالاخر الحمدلله .. حاليا مستانس عليه متخرع ومش مصدق حالي ومشل السماعات على الاخر ومكيف عالكيبورد قاعد بكتب زي المجنون والماوس على العاب شطرنج اونلاين والشاشة افلام على كل شي سريع وطالع عندي الوندوز ارورا اشي طقع خيالي كانه كمبيوترات المستقبل ..

أيوة نكمل ، بعدين عندنا الحذف والاضافه ، يعني صراحة لو ينزلونلنا الجدول جاهز ننجبر عليه يكون احسنلنا من حرقة الاعصاب اللي بنعيشها في هذيك الايام اي هذا السكشن لا يتعارض لا هذاك الدكتور لا هذا الدكتور واللاب متى ، طيب ابي بريك وين احطه ، الفترة هذي بقعد للساعه 4 فالجامعه شسوي البريكات مو عاجبتني ، الدكاترة بغيرهم وين احط هذا وين احط هذاك ، طيب ايش انزل مواد كم ساعه 3 ايام ولا 5 ، طيب بنزل مع سكاشن صحابي ، اوه السكاشن فول ماتقدر تغير يالهذه الورطة ، اذهب الى الاد جير ، الله يخليكي يا رئيسة القسم اعطفي علينا نبي جذي جذي ، الحمدلله ندبر روحنا مني مناك شكرا سكرتيرة العميدة مشكورين ربعنا ماقصرتو مجلس الطلبة ولو ان مافدتونا بعد مشكورين مشكورين اللجنة الارشادية مشكورة يالبرنتر طبعتيلنا الجدول 4 مرات ، اوبس شقينا الجدول بدال مانشق القدام شقينا الجدول المختوم معليش ربك ييسرها اففف انحرقت اعصابنا علشان هالزفت نضبط الجدول .. ( الافكار التي تدور في رأسي وانا اتذكر فترة الحذف والاضافة ) بالاخر يطلع الجدول مو زين وبغيروا الدكاترة وابصر ايش .. لا هذا والحمدلله انه بعثة يعني مافيه مشاكل فلوس مافلوس وكلشي متيسر لو كنا نعاني من مشاكل بسيطة اخرى كان كيف الحالة بتكون !! ..  الله يعين بس الله يعين

بعدين عندنا فترة الدراسة طبعا لانه اخر دفعة احنا كا بين الادد دروب والدوام مافيه يعني يوم حذف اضافة اللي بعده نداوم وكان زين يعني الواحد ما يوجع راسو على طول بيعيش الجدول اللي خربطه اي خرابيط .. طبعا هاليومين كانو حلوين علشان شفنا اصحابنا الي بالجامعه واللي من زمان ما شفناهم وانفسية كانت يعني عموما جيدة ولازالت جيدة الحمدلله ، وبدينا نشوف السكاشن ونتعرف مين معانا مو مين معانا بالسكاشن نشوف الدكاترة كيف ، وطبعا بتصير مواقف خلال هالفترة زي انه الواحد بيروح مو نايم على الجامعة وبصير يخربط بالناس وموقف اخر مش عارف كيف صار ، دخلت اول محاضرة المفروض دكتورتنا اسمها ميرفت يعني سورية مصرية اي شي مو متحجبة يعني اسمها (ميرفت) اجيت بدي ادخل على المحاضرة الاقي طالبات بدهم يطلعو بعدين قلت يمكن الدكتورة مشت دخلت سلمت وقعدت اسولف مع واحد من صحابنا وانا واقف بمزح معو وحالتي حالة وبحكيلو سجل اسمي فالحضور وبعدين اعطيت الورقة لصفة البنات ورجعت عشان اطلع مع صاحبي برا فبحكيلو ياخي شلون الدكتورة ؟ يبين عليها زينة ولا شلون ؟ فبقولي هاي الدكتورة قدامك مش شايفها !! انا ساعتها انصدمت .. لا اسف دكتورة مانتبهت ماشفتك بس ، اقعد ؟ اطلع ؟ بتحكيلي اتس اوكي امشي :p يعني الموقف بالنسبة لي كان عادي يعني تعاملت معاه بهدوء .. بس انو (موقف) بعطينا خبرة انو ما نحكم على الواحد من اسمو .. لانها طلع اسمها ميرفت البوفلاسة وطلعت بحرينية صغيرة وانا فكرتها طالبة يعني من الطالبات اللي طلعو برا ان شاءالله تكون الدكتورة مليحة زي باقي الدكاترة اللي ارتحنا معهم بالفصل الاول وان شاء الله ما اخذت انطباع اولي سيء عني المهم .. وتيفر .. بس حبيت احكي عن الموقف وبلكن حدا يستفيد من هالخبرةوماينحط بمواقف زي هاي ، عموما .. هاي تقريبا ملخص ويا حلاوته من ملخص لانه حسب شاشتي اللي بكتب فيها 22 انش من الكتابة على الشاشات الصغيرة مو عارف كيف حيصير ..

 عموما، مرحلة الجامعة ما بكتب عنها قاعد كثير وما بكتب عن الحياة الاجتماعية الجديدة هناك وما بكتب عن الشغلات اللي بعملها كثير ولا عن الوجوه الطيبة اللي تعرفنا عليها هناك بس اللي بقدر احكيه انو مرحلة جديدة بالحياة حلوة ولكن لا تخلوا من المشاكل البسيطة ولو انو عموما جميلة .. وهاي قعدتنا على الانترنت بنكتب عن الوضع بعد مامر اول اسبوع دوام من الفصل الثاني ..

انا بكتب بسرعه وانا مغمض لاني رايق ومزاجي معتدل وفاضي تقريبا وقاعد بسمع لكاظم الساهر بصوت شوية عالي ومروق بالغرفة انا والكمبيوتر ..  وما الي خاطر ارجع اشوف الاخطاء الكيبوردية لذلك اللي بيقرا افهموها وانتو طايرين وانا اذا بقراها لحالي بعدين بفهمها ، وبعدين الكتابة مش اكثر عشان الواحد يفضفض هيك عن كل اشي ويطير الشغلات اللي بقلبو .. والسلام عليكم ورحمة الله وبركاته ..